:::::: المقادير..
4 أكواب جريش منقوع ساعة بس بماي حار ويفضل يكون جريش دبي
دجاجة مقطعة نصفين بدون جلد .
2 فنجان زيت .
2 حبة بصل مقطع مكعبات .
2 حبة طماط مقطعة مكعبات .
3كوب لبن المراعي.
علبة من معجون الطماط .( يفضل المراعي الخضراء أو لونا)
2مكعب ماجي وملح وبهارات
الطريقة..
نحط الزيت في قدر الضغط ونحمره على النار نحط علية البصل
ونحركة لين يحمر بعدين نحط علية الطماط ونحركهم لين يذوب الطماط وممكن تحطين علية شوي ملح علشان يذوبة ..
وبعدها نضيف المعجون ونحركة شوي ونحط الماي المغلي ..
وبعد الغليان مع بعض نحط الملح والبهارات والماجي ونخلية يطبخ 5دقايق ..
وبعد مايغلي حطي الدجاج والجريش علية وحركية علشان
يختلط ببعض وطبعا مايكون الماي كثيريعني فوق الجريش 4 سم.
غطي القدر وقفلية زين..ورجعية على النار ..
واتركية ساعة وبعدين أفتحية (حسب نوع الجريش تقدرين الوقت جريش دبي ساعة بقدر الضغط)
بعد ما نفتح القدر نضيف علية اللبن ..
ونحرك الجريش لين يتجانس مع بعض .
وفي الاخير نحط السمن والكشنة والفلفل الاخضر والليمون الاسود كل حسب ذوقة ..
وأنا صورت لكم الجريش وهو جاهز
واعذروني لاني ماصورت لكم الخطوات ..
وهذي صورتة
عاد جربوة وقولولنا رااااااايكم
