في يوم تايه | طبخاات رائعهـ ةِ

السلام عليكم ورحمة الله وبركاته ..

الكل منا يعشق الدونات ومنها انواع كثيرة ..

المقادير

4 ك دقيق المروة

2 ك ماء

4 م ك حليب بودرة

1 إصبع زبدة سايحة

فنجال سكر

رشة ملح

4 م ص خميرة

2 م ص باكينج بودر

ينخل الدقيق والباكينج .. وتوضع باقي المقادير في الخلاط ثم تصب على الدقيق وتعجن

تجي العجينة وسط انتبهي تكون قاسية ولا لينة مرة يعني أنتي وشطارتك

غطيها ببلاستيك وخليها تتخمر 40 دقيقة ,, أدهني يدك بالزيت ثم أبدي كوريها كبر البيضة الكبيرة تقريبا أو أكبر

أظغطيها شوي بحيث إنها تكون سميكة شوي وأفتحيها من الوسط بأي حاجة متوفرة عندك

أنا جبت ملعقة حليب الأطفال وقصيت اليد وبديت اشتغل بها

لأني جربت ألة الدونات مااعجبتني أبدا

تكونين مجهزة صينية وماسحتها بالزيت وأجمعي الدونات فيها وغطيها ببلاستيك وخليها ربع ساعة تتخمر

أنتبهوا لغطاء الحليب .. النقط الصغيرة الي بالعجينة قرفة

طقت معي الا أجربها برشة قرفة بس ماانصحكم بها

وهذي الكور الي بالوسط نجمعها ..

سخني الزيت متوسط الحرارة

أرفعي الدونات بطرف يدك ثم تكون معك الملعقة المسطحة وماسحتها بالزيت

وشيليها بها بلطف حطيها بالزيت ( يعني دليليها وانتي تشيلينها )

وأبدي بأول وحده كورتيها لأنها راح تكون خمرت أكثر

أقلبيها بالزيت على طول عشان تنفش معك أرفعي على النار حتى تتحمر

طلعيها وحطيها على ورق النشاف وأمسحيها بالمنديل عشان مايثبت الزيت بها .. والدفعه الثانية طفي الزيت وحطيها بعدين ولعي عليه وسوي زي ماقلت قبل ..

طريقة تجميلها أنتي ورغبتك إذا حابه شيرة أو سكر مطحون

أاو شوكولاتة ..

بالنسبه لي احبها بالسكر المطحون أحطه بكيس بلاستيك وأحط الدونات

وحده وحده وأمسكه من فوق وأرجه حتى تتلبس كلها

هي متعبه شوي لكنها والله لذيذة جدا وهشه تاكلينها بشفايفك