السلآم عليكم ورحمة اله وبركآته
" الــقـصه "
حدثني أحد الأصدقاء أنه سأل الدكتور وش المواقف العجيبة اللي مرت عليك؟قال قولي وش النوع
اللي تبيه؟ قلت:أعجب ما مر عليك خلال عملك بالمستشفى قال :الشيء اللي مو طبيعي ومر
علي خلال 13 سنة عمل بالمستشفى هو أن مرة أحد المرضى شاب 22سنة جاء يستشيرني
بخصوص شيء اعتقدت بالبداية أنه بسيط وعلاجه مرة سهل هو أنه حسب ما قالت لي الممرضة
قبل ما يدخل أنه فيه بقع خال على الشاب بيده ويبي يستشير بأي طريقة يشيله ويوم دخل علي
الشاب لاحظت إنه لابس قفازات وسلم علي وهو لابسهن ويوم حاولت معه يمين وشمال أبي
أشوف يده وبقع الخال عيا وقال:أنت استشاري ولا أيش قال الدكتور:للشاب أنا ما أقدر أساعدك
إلا إذا شفت الحالة بعيني أقتنع الشاب بصعوبة وفسخ القفازات قال الدكتور:شفت شي عجيب
مكتوب ببقع الخال على يده اليمين بس اسم بنت فلانة بنت فلان يقول أنا أحسبه بالبداية مكتوب بخط يد أو وشم لكن يوم دققت فيه طلع فعلا" دم جامد مثل ما يسمونه بقع خال استغربت وسألت المريض كيف جاك هالشيء هل هو من الولادة (الدكتور يقول توقعت أنه ولد غير شرعي أو من هالقبيل واسم أمه مكتوب على يده من يوم ولد ) لكن الشاب رفض يتكلم ويوم حاول معه الدكتور
وقال استنتاجه أنه يمكن أنه ولد غير شرعي واستفزه عصب الشاب وبكى وقعد يقول القصة للدكتور وقال الشاب :ودموعه تنهمر ....
عرفت فتاة بنت بنفس عمري عن طريق الهاتف وصارت بيننا مكالمات على مدى 8شهور وثقت
البنت فيني وقالت اسمها الكامل وتعرفنا على بعض زين ويوم من الأيام طلبت منها إننا نتقابل بأحد الأسواق والبنت رفضت رفض كلي وصرت أترجاها على مدى شهر ما فيه فائدة البنت أصرت إنه ما نتقابل طفح الكيل وهددتها إني أفضح اسمها لو ما قابلتني فرفضت وقالت :إنه عذاب أهلها خير لها من إنها تقابله وفعلت فعلتي ونشرت اسمها بين أصحابي وكتبت اسمها على أحد الجدران فلانة بنت فلان بعدها بأسبوع أو أسبوعين ظهرت البقع على يدي بالضبط نفس الخط اللي كتبته على أحد الجدران وأنا نادم على اللي سويته وودي لو أتخلص من يدي بأي طريقة الدكتور:نعم أنت غلطت أليس لديك أخوات تخاف أن يفعل بهن مثل ما فعلت ولم يستطيع الشاب أن ينطق أي كلمة وأخذ يجهش بالبكاء ويكلمني بعد كذا حولته على مختص الليزر والحروق واتفقوا على موعد ويوم راح الاسم اللي مكتوب على يد الشاب ارتاح نفسيا" ونام في المستشفى على أحد الأسرة بعد التعب النفسي لكن يوم صحى بصباح ذاك اليوم رجع على يده الاسم مثل ما كان علية قبل العملية وحاولنا مرة ثانية وثالثة تبقى بعد العملية مثل الحروق ومن بكرا ترجع مثل ما كانت بعد العملية قلنا له إنه ما فيه علاج ثاني غير المراهم وإنه راح تأخذ وقت طويل الين ما تختفي (الدكتور يقول:احنا عارفين إن ما فيه فائدة من المراهم لكن ما نبغى الشاب يتعب نفسيا"ويجيه شي وكل شهر يجيني الشاب يراجع ويقول ما فاد المراهم وأنا أقول له الصبر زين ونصحته بأحد المرات إنه يكلم البنت اللي نشر اسمها ويروح يمسح الاسم اللي كتبه على الجدار وفعلا" راح ومسح الاسم اللي على الجدار وكتب بداله سبحان الله وبحمده سبحان الله العظيم ويوم كلم البنت بعد جهد لأنها ما كانت تبي ترد عليه وقال لها القصة والبنت لأنها ما وصل لأهلها قصة إنها كانت تكلم فلان واسمها مكتوب على أحد الجدران وإنه هالشاب مسحه وكتب بداله تسبيح وتحميد نصحته إنه يتوب ويروح لمكة ويدعي له ويمسح اسم البنت اللي على يده بماء زمزم خلال أسبوع أو الين يروح الاسم وفعلا" الشاب سوى اللي قالته البنت وقعد بمكة بعد كل صلاة يمسح الاسم على يده بماء زمزم وخلال 10 أيام يقول الشاب للدكتور: سبحان الله والله الاسم مسح بعد صلاة الفجر من يدي مثل ما يمسح الحبر من اليد إذا جاه موية والدكتور يكمل كلامه ويقول: من ذاك اليوم قاطعته أنا من هالسالفة قال 4 سنوات
تقربيا" ومن ذاك اليوم وهو كل شهر يزورني مرة وقال إنه تزوج تلك الفتاة اللي حاول يفضحها بعد ما هداه الله وله منها ولد وبنت ......
