قصيده الشاعر :محمد العازمي في وصف القبايل

السلام عليكم ..
هذي قصيده للشاعر محمد العازمي من قبيلة العوازم الهوازنيه يصف بها جميع القبائل .. ولكم ما جاء في القصيده ..

يقول الشاعر :


بسم الله ابدي وابتدي نظم قافي=ابيات شعرن ما عليها خلافي
من راس رجالن كريمن سنافي=للمنتدى بذكر جميع القبايل

ابدي بربعي مزبن الذيب والطير=عوازمن وقت الملاقا مغاوير
كل العوازم كلبوهم مناعير=شجعان ربعي طيبين الفعايل

يا الاد عازم يا طويلين الايمان=ذباحتن للشيخ في وقت الاكوان
حنا العوازم من هوازن وعدنان=ولاقول قصره في عيال الحمايل

وعشان ما يحسب على طرقنا عيب=ابذكر اللي شفت بالمنتدى جيب
ما هو بتقصيرن لمن ذكرهم غيب=والنعم والله في جميع الحمايل

ابذكر السبعان ذربين الايمان=ريف الركاب موكله كل جيعان
لا ثار دخان المعادين فرسان=ما شفت بالسبعان رجال مايل

وابذكر سهول الجزيره الكريمين=رجال في حق المسير موارين
ولا ثارت الهيجا سعوط المجانين=ما قلتها من غير عرف ودلايل

اما الهواجر ياعرب مسند الضيف=ما كد زبنهم سايلن ما لقى ريف
ووقت الملاقا مشبعين المراهيف=تعجبك فزعتهم ليا حال حايل

وان جيت ابذكر مشبعين المعاطيش=عتبان في وقت الملاقا مغاويش
كعام من يدخل على راسه الطيش=في حقهم ما يسعفني مثايل

وابذكر المطران حمر النواظر =تاريخهم معروف ماضي وحاضر
رجالهم وقت الشديدات حاظر=مطران ما ياطون درب الفشايل

ومن عرضها بذكر رجال الخوالد=تاريخهم بالطيب حافل وخالد
ترثت صحابي نعم بعيال خالد=نقالت الرايه على كل عايل

وايضا ابذكرلي رجالن مشاكيل=كل عنزه شجعان وايضا حلاحيل
تعجبك فزعتهم على العدل والميل=قروم نسل قروم يانسل وايل

ثم اذكر العجمان سقم المعادين=وقت الملاقا ما دخل قلبهم لين
خطلان الايدي للطويلات ضارين=عجمان قبلي جابهم كل قايل

وابذكر المره رجال الحرايب=عون الرفيق مزبنين الركايب

لا هبت هبوب المراجل هبايب=رجالهم للناس مضحي وشايل

واذكر بعد ربع السلوم الوفيه=دواسرن شجعان والنار حيه
الدوسري قرمن يشرف خويه=ووقت الملاقا يردعون الهوايل

ثم اذكر الظفران بالفعل نوماس=وترى الظفيري ياعرب حر قرناس
لطامتن للي يجي فيه هوجاس=ظفران وان عديت عرب السلايل

وابذكر من الطيب ذكر القحاطين=رجالهم كاسب بكل الموازين
وان جت للفزعه رجالن سلاطين=والقول في حق القحاطين طايل

ثم اذكر رجالن قرومن طنايا=شمر ليا ثارت كرام اللحايا
واكرامهم للضيف حطوه غايه=تشهد على ما اقول بدوان حايل

وابذكر رجالن كرامن حرايره=بني تميم ان كان ثارت جسايره
ترى التميمي مزبن اللي يخايره =نعمين منهم طيبين الفعايل

ثم اذكر حروب الجزيره سنادي=اللابه اللي يكعمون المعادي
خويهم يحشم ولا هو بغادي=نسل الكرام مزبنت كل سايل

واذكر بعد بالطيب والجود زهران=لا ثار دخان المعادين شجعان
خويهم ما ظنتي نام حيران=وعندي على ما اقول عرف ودلايل

وان جيت ابذكر ثرثت الجود والطيب=فضول دايم حافظين المواجيب
واللي يعاديهم غذا حظه معيب=شجعان والعربان جايل وصايل

واذكر بعد من عرضها ذكر غامد=رجالهم وقت الشديدات جامد
نعمين منهم طيبين المحامد=من اطيب العربان عون الدخايل

ثم اذكر رجال الحجر والعزيمه=اللي لهم بالطيب والعز شيمه
عدوهم ما نال منهم غنيمه=نقالت الرايه على كل عايل

واذكر بعد من عرضها ذكر البقوم=وقت المراجل عدهم عون وقروم
شجعان بالميدان ما فيهم رخوم=تعجبك فزعتهم ليا حال حايل

ومن عرضها نسل الرجال المناعير=رشايده في نحرهم يشبع الطير
ما يذكرون الا على الطيب والخير=رشايده لا حال بالجو حايل

واذكر بعد كل العوايل ونعمين=ماني بناسيهم رجالن كريمين
اكثر عوايلنا تراهم عريبين=والنعم والله في جميع العوايل

واخص في قولي سلام وتحية =لابو فهد رجال زبن الونيه
لا هنت ياراعي السلوم الوفيه=بالمنتدى جمعت كل القبايل

وكلمة شكر في حق رجال زيزوم=جابر ولد هايف ومن نسل شغموم
ياصاحبي لا هنت يانسل القروم=مثلك بوقت المدح للمدح نايل

محمد بن عبيد قدم عذايره=للي من العربان غابت ذكايره
ما هي بمقصوده ولا هي حقايره=والنعم والله في جميع القبايل

بختامها صلو على سيد الناس=المصطفى المختار من جملة الناس
اللي بعثه الله على مجمل الناس=تعداد ما تبرق بروق المخايل

<TABLE cellSpacing=0 cellPadding=0 width="100%" border=0 sizcache="0" sizset="44">
<TBODY sizcache="0" sizset="44">
<TR>
<TD class=hr colSpan=2></TD></TR>
<TR sizcache="0" sizset="47">
<TD colSpan=2 sizcache="0" sizset="47">
<DIV class="vote gensmall" sizcache="0" sizset="47">
<DIV class=vote-button sizcache="0" sizset="47"><SPAN style="FONT-SIZE: 25px; LINE-HEIGHT: normal"><FONT face="Comic Sans MS"><FONT color=#008080>لهُ حضوره فالروعة كانت هنا..<BR>هنا في هذا المتصفح العذب والراقي..</FONT></FONT></SPAN><BR><FONT face="Comic Sans MS"><SPAN style="FONT-SIZE: 25px; LINE-HEIGHT: normal"><FONT color=teal>متصفح طالما أمتعنا بفيضه المدهش..</FONT></SPAN></FONT><BR>
<DIV style="MARGIN: auto; WIDTH: 100%; TEXT-ALIGN: center"><FONT face="Comic Sans MS"><SPAN style="FONT-SIZE: 25px; LINE-HEIGHT: normal"><FONT color=teal>نتظر ماتجود به ينابيع ذائقتك العذبة..</FONT></SPAN></FONT><BR><BR><FONT face="Comic Sans MS"><SPAN style="FONT-SIZE: 25px; LINE-HEIGHT: normal"><FONT color=teal>تحيتي وتقديري</FONT></SPAN></FONT></DIV></DIV></DIV></TD></TR></TBODY></TABLE>

شكرا على ردودكم يالغوالي............ انتظر ردود اكثر

وين الردود