قصيدةشاب في بنت تناظر فية

[size=16]هذي قصيده في بنت كانت تطالع شاب فرد عليها الشاب بهذه الكلمات المعبره</SPAN>
كل شبر بهالوسيعه ملك ربي تعلمين
وأعلم إن اللي خلقني هو خلق لك هالعيون
لكن انتي من جلستي وإنتي فيني تحدقين
كن ما به ناس غيري بهالكراسي يجلسون
لو سمحتي عاد اسمعي وحتى لو ما تسمحين
المهم اللي بقوله تسمعينه و يسمعون
ع الاقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركاده عاد زينه والحياء في البنت زين
وفيك جازم لا ركادة ولا حياء يذكرون
تعرفيني؟! أعرفك؟! ما أذكر إنا ملتقين
لا أعرفك من تكوني ولا تعرفي من أكون
وإطمإني إن كان قصدك بس فيني تشبهين
ما هو أنا إلي تعرفيه والبشر يتشابهون
ما دريتي من التشابه يخلق الله أربعين
وأعرف اربع يشبهنك بس والله يستحون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجون
وإذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ما هو أنا ألف غيري باب بيتك يطرقون
وش علامك رغم كل اللي اقوله وتسكتين
مو طبيعي هالسكوت وهالبرود وهالسكون
إنتي خرسا أسألك ولا منتي تسمعين؟؟
قالوا ربعي ذي كفيفة قلت لا لا تمزحون
لين شفتك يوم رحتي يمسكونك باليدين
ما دريت إلا عيوني أربع أربع يذرفون
آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
قلت سنّة هالحياة وحن ترانا مؤمنين
الله اللي مسيّرنا بين كاف وبين نون
وكل أبونا نختلف مع إننا من أصل طين
سبحان يلي مصورنا ولله في خلقه شؤون
يعني حنا كل أبونا عاد إسمنا بنادمين
وليا قضى ربك أمر وقال له كن فيكون
فينا يلي رازقه خير رب العالمين
وفينا يلي هو لعطفه بحاجة القلب الحنون
وفينا يلي ما شكى من علة كالآخرين
صمّ وبكمّ وعميّ فهم لا يفقهون
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهين
وإن ما انعمت أبصارنا نا هم إللي يعتمون
يالكفيفة يالعفيفة إن قلت آسف تقبلين؟؟
يغفر الله ذنوب عبده ليا خطا وهل تغفرون؟؟؟

تسلمـــي ياعسولـــهـ
عـن جد مبــدعـه

الله يسسلّمكك