لا اعتقد ان كل الرجال يخونون و على كل حال قرات موضوع للفتيات عن كيف تعرفين ان الرجل يخونك اورده لكم
مواصفات الرجل الخائن
· 1)موبايلو دايماً عليه قفل والموضة الجديدة موبايلين بقفل
2) كل ما تدقي عليه بيطلعلك (مشغول) وسبحان الله بالبيت موبايلو مابيرن أبداً وغالباً ليش لأنو سايلنت
3) اذا نسي موبايلو وهو نازل ع الدكانة ولا ع الصيدلية بيرجع متل الصاروخ ليش من شان ياخدو
4) بيفهمك أنو أكثر واحد في الدنيا يستعمل الآلة الحاسبة .... بس هو في الواقع يا حبيبتي بيبعت مسجات
5) الفاتورة هي حلم انك تشوفيها لانو بياخذ الفاتورة من شركة الاتصالات مباشرةً.
6) ازا راح لينام بيقفل موبايلو مو مشان سواد عيونك لاء بس صاحبتو بتغار عليه يابعدي وما بدها يغازل غيرها
7) عنده ردود استباقية ...... يعني اذا دق موبايلو بيقلك لك هادا واحد وسخ مابدي رد عليه بدوووووون ما تسأليه مين !!
8) لونسي الموبايل بالغلط ..... و لقاكي ماسكتيه أو حتى عم تتفرجي عليه بعيونك بيصير يعيط ويشيط كأنو صار شي زلزال
9) يكون عنده ارتباط شرطي بين المسجات أو الرنة ... و الطلعة من البيت!! أبصر شو العلاقة بينهم بس لازم يهرب من البيت بعد ماحدا يدقلو أبصر لوين بيروح وبيغط
10) بيحكي من مواقع غريبة - حمام - مطبخ المهم يقفل الباااااااااااااااب
11) فيه أسماء غريبة في موبايلو على سبيل المثال
ابو غادة = غادة
عنتر = عبير
حب الدوار = ساكنة بالدوار
انور = نورة
12) فجأة بيصير حبيب معك بدون سبب (هي عقدة الذنب)
13) ما بيمنعك من الروحة لأي مكان ... لأنو بدو يخلص منك يا هبلة دايماً بيقلك روحي انبسطي الله ييسرلك والقلب داعيلك
14) دايماً عندو شغل في حمص أو حلب ويمكن بيروت ليلة وبيرجع !! مابيطول يابعدي
15) اذا رحتي على بيت اهلك ودق وقلك اذا مبسوطة مع اخواتك نامي اليوم عندهم مو مشكلة حبيبتي
16) بيغسل قميصو بعد الويك اند بالمصبغة مو بالبيت من شان يمسح الاثار يامووووو
الخلاصة :
اذا توفر 3 من الشروط السابقة يمكن انك عم تتوهمي بس انتبهي
اذا توفر 7 من المواصفات السابقة خافي على زوجك وابدي شكي
اذا توفرت 10من الصفات السابقة اكيييد انو عم يخونك
اذا توفرت 13 من المواصفات السابقة اي بقطع ايدي اذا ماعم يخونك
اذا توفرت 16 كاملة قومي ضبي غراضك و شنطتك وروحي على بيت اهلك
