كيف تصبح مثقف

موضوع: كيف تصبح مثقف الأحد فبراير 28, 2010 8:33 pm

كيف تصبح مثقف في اسبووع
الطريقه سهله

1 - البس غترة وامحط اللحية والشنب .
2 - اذا سألك أحد من تسمع له قل لفيروز وشاديه حتى لو انك ماتسمع الانانسي وهيفاء
3 - اذا قالوا لك من شاعرك المفضل قل محمود درويش و ادونيس حتى لو انك ماتقرأ إلا لضيدان بن قضعان
وسعد بن جدلان .
4 - ابتعد عن المباشرة في الكلام واعمد الى " التفعيط " و " التمطيط " وبدل ماتقول "في البداية " قل : " بادئ ذي بدء " وبدل ماتقول "وهذا يدل على " قل : " وهذا إن دل فإنما يدل على " ... لاتقعد تقول صعبة ومشوار ومدري إيش
لازم تصبر وتتحمل ...ترى الثقافة مهيب سهلة !!!!..
5 - اذا كتبت مقالاً فلازم تطعمة ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية
والديماغوجية والميكافيلية " ولاهوب لازم تحطها وانت تكتب المقال لا... إذا قضى الامر أبد لزهن فيه كلمة منا وكلمة مناك الين يقضن "" إن ماكتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه الف
موسوعة ""؛ وانتبة تقول : "الرأسماليه والأشتراكيه والقوميه " ترى ذي الكلمات حقت مثقفين منول .. اما الحين ماعاد يوكلن عيش.
6 - كثر من الكلمات اللي تنتهي بـ"قراطيه" مثل : " الديمو قراطيه . البيروقراطيه . الأرستقراطيه . الأوتو قراطيه . التيوقراطيه ". واذا انزنقت "فخربط" لك اي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف مافي احد يبي يسألك ويقول وش معنى ذا الكلمه عشان ماينكشف " جهله " ويدرون الناس انه مهوب مثقف
7 - خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .
8 - انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون الا بالميلادي ويفضل بعد انك اذا كتبت قصيده حداثيه تكتب الشهر كتابه مهوب رقم زي كذا " حزيران 2007 " اما ذا الشهر النقاط التالية وانضم الى عالم المثفقين :
.
9 - اذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامه و الدهماء وانه معول من معاول هدم اللغه ولابد من اعلان الحرب عليه دون هواده !!!

واذا كتبت قصيده ماتقوول في الرياض وجده كتبتها لا قوول يبن جنيف وروما
لاتفضح نفسك
10 - اذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..وقله الحياه والشرق الاوسط والاقتصاديه حتى لو انك مابعد شفتهن على الطبيعه ..بس لزوم الثقافه .
11 - اذا قال لك احد وش الاجواء اللي تجد فيها نفسك , لاتفضحنا وتقول اذا جلست مع اهلي والا اذا طلعت للبر والا اذا صرت اضبب !! لاياحبيبي , قل له انا تاسرني الليالي البيروتيه المقمره وخصوصا في فصل الخريف حتى لو انك ماتفرق بين الخريف و" المربعانيه ".
12 - حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين0

هكذااااااااااا سووف تصبح مثقف في اسبوووووووع

ههههههههههههه

ههههههههههههههههه

شكرا حبي على موضوع الرائع
\
سلمتـــــــــــــــــ يمناكيــــــــــــ ـ

الله يسلمك

ههههههههههههههههههههههههههههههههههههههههههههههههههههههههههههههههههههههههههههههههههههههههههه

هههههههههههههه يسلمو ع الموضوع الرائع

ينقل لقسم تسالي اعضاء ونكت وفكاهات مضحكه

هههههههههههههه
يسلمووو خيتوو

مشكورة

مشكورة