بسبوسه ملكيه

موضوع: بسبوسه ملكيه الثلاثاء مارس 02, 2010 8:06 pm

السلام عليكم ورحمة الله وبركاته
ماشاء الله لاقوة الا بالله
من زمااااان ,,,وانا ودي اعطيكم وصفة البسبوسه اللي عندي مو مدح على الفااااضي

لا والله انا ماعمري ذقت احلى منها ذوقوها وبتقولون هي ذي البسبوسه وبس ولحقوق الحفظ والطبع بقولكم قصتها

هذا مره كنت جالسه اتابع شات بالتلفزون وقريت وصفة بسبوسة الطازج جات عيني عليها وقلت يابنت يمكن تطلع طعمه

المهم كتبتها بدفتر وجربتها وياسلااام عليها الله يجزاها كل خير راعية الوصفه حتى امي اخذت بالوصفه وكل من ذاقها عندنا يقول ماشاءالله البسبوسه طعمه

عاد انا قلت مادام اني استفدت منكم لازم انا بعد مااكون انانيه واعطيكم هالوصفه ومتاكده

انكم بتدمنونها وخصوصآ للي يحبون البسبوسه زيي وخصوصآ مع القهوه ماتشبعين منها

ادري طولتها ندخل بالتفاصييييييل ياحلوااات

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 619x464 و بحجم 76KB.

المقادير:

علبة قشطه كبيره تقريبا 170-175جرام
كاسه ونص سميد+كاسه حليب جاف+نص كاسة زيت+ نص كاسة سكر مطحون +ملعقة صغيره بيكنغ بودر

تخلطينهم زين واذا تحبونها لينه البسبوسه خلو السميد كاسه بس واذا العكس يعني تكون ماسكه شوي خلوها كاسه ونص زي ماهي
في ناس يحبونها ناشفه او قاسيه شوي اذا انتي من ذا النوع خلي السميد كاستين الا ربع

ملاحظه هااامه الكاسه المستخدمه هي كاسة جبنة كرفت الصغيره اكيد كلكم عندكم منها

ادهني صينيه وسط بشوية زيت وافرديها فيه على فكره هي تكون جامده في الفرد عادي ولا تحطون اي اضافات تقيدوا بالمقادير زي ماهي

دخليها الفرن على حرارة متوسطه 170انا احطها

ماتاخذ وقت وحمريها من فوق وعلى بال ماهي بالفرن سوي الشيره والمكونه من فنجال ونص سكر مطحون+علبة حليب بوني واذا تحبين الحلى طالع زيدي السكر وخليه فنجالين

الفنجال اقصد فيه فنجال الشاهي

تخلطين السكر بالحليب زييين وتاكدي ان السكر ذاب فيه واول ماتطلعين الصينيه اسقيها بالشيره بالتساوي

واذا حسيتي بعض الاجزاء ماتتشرب على طول عادي انا اسوي فتحات بسيطه جدا بالسكين يدوووب يعني

عشان اتاكد بس ان الشيره توزعت في الصينيه كلها

سوي تلاجة القهوه وجيبي صحن البسبوسه وادعيلي

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 619x464 و بحجم 45KB.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 691x518 و بحجم 58KB.

شوفو الوجه كيف ماشاءالله يلمع

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 583x437 و بحجم 55KB.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 583x437 و بحجم 67KB.

اتمنى تجربونها كلكم وتستمتعون فيها وبالعافيه عليكم

موضوع: رد: بسبوسه ملكيه السبت مارس 20, 2010 4:04 am

تسلمين

::شكرا لكي::

تسلمي خيتو

ماما عملتها والطعم روعة اللله يعطيك العاقية [b]

:97: شكرآ على الموضوع :99:

» بسبوسه الجلكسي